與大閘蟹的約會

26 OCT 2008   (天晴)  

於月初時, Rosand住的屋苑Club House有大閘蟹的推廣, 所以我們便攪今天的大閘蟹餐(同時也是我們的打牌聚會日), 於是便call人confirm訂蟹的數目. 最終我們訂了公13 隻 及25隻.

今日我們約了11:30AM, 本來打住兩圈先再食蟹. 後來都整吓整吓, 都係食蟹先好D. 不過最多謝都係工人姐姐, 她一直企係度蒸蟹, 真係唔該晒!

開始一碟一碟上枱o拿! 首先係我訂了的, 所以我可以食先. 睇吓!係o米好多羔呢!

 

我食完我個隻後, 到老公食他的至愛 - 蟹公.

平均每人食2隻蟹, 都要花成2個幾鐘. 你睇大家幾咁努力拆蟹.

今次的大閘蟹1隻HK$48.00, 重4兩! 我覺得都幾多羔, 好好味, 雖然我只食了1隻. 之後我們再叫了一些炒粉麵, 跟住便到主菜 - "打台灣牌"出場了.

由於今天Doris唔得閒來, 為了大眼可以開枱. 於是我負責照顧杰昇一陣及帶他同亞瞳到公園玩.

小朋友玩了30分鐘左右, 返到上Rosand家後, 便開始有點睡意. 所以我也可以開始打牌了! 今日我的戰績都OK. 輸少少, 不過係老公輸落的, 唔關我事o家!

小記一側 : Alice今日好勁, 食了淸一色, 共有88番. 呢個唔係最緊要, 最緊要係連拉4舖莊. 好勁呀!