日本四國之旅 - (Day 2 - 17/2/08) 東京池袋

日本四國之旅1天遊 (Day 2)

17 FEB 2007   (天陰)  

今日我們可以訓到10:00AM先起身, 真好!  Check Out後, 我們四人要搬酒店, 途經西池的內街時, 見到呢個廣告牌好正.  內容講D咩?大家諗吓啦!

我們今晚會住o係西池0101附近的HOTELURBAN , 而大雄, 梅生及四眼哥會下午5:00左右到吧. 呢間酒店都ok, 房間都算大,有走廊門, 有張大書枱,有Sofa, 仲有茶機Tim, 而且個 浴室仲大.  好少可以係東京的酒店有咁大的浴室. 唔錯唔錯! (由於當時無想過我會寫Blog的, 所以沒有拍下房間的相, 真係唔好意思呀!)

老麥最高標誌旁那間便是URBAN酒店.

 我們Check In後, 便去松屋食早餐加午餐

.

 

食飽飽後, 緊係去

La! 仲要男女分開Tim, 唔好浪費時間.

 分開前, 大家先去進攻藥房.

由於今日先係第二日的旅程, 無理由買完D戰利品要跟住我成個旅程o家. 所以我同Alice決定, 今日所買的物品全先Keep係店度, 等我們13天後才回來取! 

 如藥房的化妝品, Agnis b 的手袋及手錶等等....全先付款後取貨.  真係Shop得好型呀! 當我們係0101買錶時, 簡直有一點闊太Feel

, 坐o係度慢慢試之餘, 仲有茶水招待.

時間差唔多, 約o左老公係0101會合後, 一起返回酒店等今日到達的3位團友. 而我要打電話去租車公司re-confirm另一架車, 因昨晚收到e-mail話我們先前訂的那款車沒有了.

他們約4:30PM左右到達, 之後我們便向新宿出發. 因為老公要去一間叫"Map Camera" 買鏡頭.最終他買了一支二手及一支新的鏡頭.

跟住再向"BIG CAM" 及 "YODOBASHI"出發, 這2小時明顯係男人的時間. 我同Alice陪襯吓咁啦!  

终於可以返池袋食晚餐了!

不過食晚餐前老公又要先去逛逛大型書局. 30分鐘後由書局來去尋找我們今晚的食店, 點知, 行吓行吓落起大雨, 慘!無帶雨傘Tim!

我們仲要行8分鐘才到o家!

今晚係"年三十晚",當水為財啦!好意頭o麻! 

我們為了迎接豬年的來臨, 所以決定今晚去東池食烤肉 - 烤豚肉.

今日亦都係星期六, 所以都幾多人等位. 我們等了約20分鐘左右才有位. 等的時候, 當然係用影相來打發時間啦! 呢間店係在地庳的, 一層有3間食店, 一間係食燒肉,

一間係食燒肉, 即我們等緊位o個間!

一間係食豆腐料理的:

一間係食西餐的.

終於有位o拿! 仲有位美女招呼我們Tim! (真人靚好多的, 可能她唔係太上鏡吧, 因為班男團友當時係流晒口水o家!)

呢間食店的餐牌同擺設都好特別的. 好有豬年氣氛的!

經美女姐姐介紹完後, 我們決定叫了下面的食物. MENU上的5種肉都有叫.

除了燒肉外, 仲有白飯, 啤酒等等...., 埋單JPY18,998. (每人:JPY2,714).

 

(消費總額) :

午餐	:	JPY     1,000.00 (2人)
晚餐	:	JPY     5,428.00 (2人)
酒店	:	JPY     9,775.00 (2人)
合計	:	JPY   16,203.00 (2人)

 

上一篇 : 日本四國之旅- (Day 1 - 16/2/07) 香港,成田機場,池袋

下一篇 : 日本四國之旅- (Day 3 - 18/2/07) 池袋, 名古屋, 神戶, 鳴門 - 上篇