日本四國之旅1天遊 (Day 1)
16 FEB 2007 (天陰)
香港 (UA852) 10:00AM > 日本成田機場 2:50PM
由於昨晚執行李至今早零晨3:00多才訓覺, 所以只有小睡兩小時便要起身, 故我們決定都係要一如往年般Call的士去機埸. (為o左訓多一陣, 都係唔好慳錢了!
我們坐10:00AM的機, 約了8:00係機場等(今日先起程的團友有亞儉同Alice, Alice要同老公分開起程Tim!) Check In時, UA的地勤空姐十分嚴格, 多一點點的重量都唔可以接受, (其實我個硬o急又真係幾重的), 好彩後來都傾掂數, LUCKY! 
大家都知, UA的機位都係比較窄的! 已今次我們坐的位叫"Economy Plus", ee D位好似故闊一點點Wor!
落機後, 我們排緊隊過關時竟然見到"胡兵"(國內明星呀!), 一條友帶幾個LV o急, 有無咁多行李呀!
由於我們突然要早一天出發, 所以3日前才訂今晚的酒店. 找了很多間都已經Full左, 所以我唯有直接打電話俾昌庭之家的陳先生訂房, 好彩剛好有2間房. 因此今晚我們會住o係久違了的昌庭之家. (我們第一次住昌庭之家係2000年那年, 之後每次都係住這裡, 直至2004年開始改為住Toyoko Inn.) 昌庭基本上同以前沒有什麼分別, 只係Lobby的坐位擺法有點不同及多了2部電腦上網咁Law. 可惜今次陳先生唔係度, 唔可以同佢傾吓計.
放低行李, 取o左房後便行去東池逛逛及食晚餐. 今晚我們打算去食拉麵, 決定去一蘭試吓. 因為"一蘭"o個位置有小小隱蔽, 所以初時都搵唔到! 後來索性去問路, 於是搵o左個日本仔問問, ee咁啱原來他都係遊客o黎, 係由沖繩來的, 又咁啱他剛剛係"一蘭"食完麵, 所以他俾o左個地圖仔我, 仲話D麵好好食, 一定要去Wo! 真係唔該晒o拿!
依照日本仔的地圖指示, 终於到達了"一蘭". 我們要先係門口睇吓有冇位, 之後按制等候. 等位時可以先買食卷, 坐低後會有一張紙俾我們選擇湯的濃度, 麵的軟硬度, 同葱蒜等.
呢度的坐位好攪鬼, 每張枱都係獨立及前面, 左右都有木板隔住的. 好似考試唔好俾隔離偷睇咁!
碗麵真係好好味!
由於今朝好早起身, 加上有一點唔舒服, 所以今晚一定要早D訓. 我今晚與Alice同房呀! 好耐無試過了.
(消費總額) :
| 晚餐 | : | JPY 2,500.00 (2人) |
| 酒店 | : | JPY 9,000.00 (2人) |
| 合計 | : | JPY 11,500.00 (2人) |
上一篇 : 日本四國,名古屋,神戶,軽井沢,山形藏王溫泉,河津之旅-出發前的行程及預算篇
下一篇 : 日本四國之旅 - (Day 2 - 17/2/08) 東京池袋
沒有留言:
張貼留言