21 MAY 2011 (下雨)
前兩晚收到大姐夫來電, 約今晚到他家為亞囝Tim預祝生日, 當然唔少得主菜 - 打台仔.
今日我要返學, 所以露花先到, 而我約6:00pm便到達.
放學時, 勁大雨. 於是走去美麗華的Uniqlo買了把深色的縮骨遮 (用完可以俾露花用). 之後見到有間cake shop, 於是買了6杯布甸作今晚的甜品, 因為是買一送一, 所以共有9杯.
離開美麗華, 我要行去坐西鐵, 真係好鬼麻煩, 有要擔遮, 又要拎住呢9杯咁鬼重的布甸. 當我落到地鐵站時, 突然發現間shop收多o左我錢, 話明買一送一, 點解咁貴o既, 於是攞番張單出來睇, 原來佢收o左我9杯原價錢呀. 我梗係即打電話通知番間shop啦, 佢叫我現在去取番錢, 我梗係唔制啦, 又要行番上去. 於是我便提意keep住張單, 下星期六才去取回錢.
去到家姐度, 家姐他們話不如Call埋亞儉來食飯啦. 都好喎, 順便可以借亞儉部傻瓜機俾二家姐去英國旅行用. 因為她24/5出發, 我們無時間借相機俾佢.
今晚的大餐.
喇! 今年Tim是25歲, 亦即代表我同露花相識的25週年. 想當年我與露花拍拖初時, 經常到大家姐家, 仲好鍾意只有幾個月大又肥肥白白的亞Tim.
呢張相唔掂呀. 亞儉影朦晒! 唉!
食完飯, 又繼續打. 今晚大家姐好強, 一家贏三家, 贏了一千左右, 好在我輸二百啫. 今晚的代表作梗係呢款十三腰啦 (一共九十五番). 我們打o左八年台灣牌, 第一次有人食到咋. 之後果舖仲要再自摸瀝姑瀝姑. 真係超勁旺呀!
沒有留言:
張貼留言