其實呢篇Blog我想出好耐喇! 不過一直無的起心肝啫.
講番起我十月放病假時, 見有時間便決心帶老媽去屋宛樓下的博愛中醫流動診所睇皮膚, 因為老媽患有好難斷尾, 好麻煩的牛皮癣.
果日真係好鬼激氣, 因為當時遇到一個年青的女醫生, 她當時睇病的態度好差, 同我熟的朋友都已經聽我講過呢件事.
記得當日原本想睇皮膚, 但因我老媽又感冒, 理所當然要先睇好感冒. 初時入到車尾的小醫生房, 內裡只有一張床, 一張小枱及兩張椅.
當我同老媽入房後, 醫生已坐一張椅, 老媽坐一張, 順理成章我坐在床上, 而當時床上的布簾拉已了一半, 我唯有坐在布簾的最前方, 而呢個位差唔多睇到醫生的電腦. 呀年青女醫生, fing吓隻手叫我坐過d, 面黑黑, 唔該都無聲. 跟住呀女醫生開始幫老媽睇病, 當時我, 老媽及女醫生全都無帶口罩.我帶得老媽去睇醫生, 當然要盡責講晒有關老媽的病歷俾女醫生知, 加上早前老媽又入過院, 又做過白內障. 但呀女醫生全程黑面, 無反應, 連點吓頭的反應都無. 好似當我無到咁!
跟住呀女醫生, 應該是睇完病吧. 她同老媽講, 你出去帶番個口罩. (她真係咁講ga, 唔該都無句ga!) 我當時已經覺得呢條友好有問題, 之後她同我講你出一出去.
OK! 我出一出去, 關門前我同呀女醫生講, 咁唔該你一陣講番我媽媽的情況我知啦. 第一次講無反應, 於是我講多次, 都無反應, 我開始起火, 用較大聲的語氣再講一次, 呀年青女醫生才肯點一點頭.
之後老媽開門叫番我入去, 當我坐低時, 呀女醫生同我講老媽的皮膚好嚴重, 叫我帶老媽到元朗博愛中醫診所睇一位皮膚科教授. 咦! OK喎, 原來呀女醫生都有好介紹, 不過她講得好快, 又細聲. 於是我在袋中摷張紙出來, 打算把資料寫低, 不過好衰唔衰又搵唔到筆喎, 於是我問呀女醫生, 請問有無筆, 呀女醫生即答我無. 頂! 無筆? 我老媽個位前面(即枱上)有成個筆筒係度, 佢鬼膽死話無筆, 你話唔火果個都唔係我啦!
我即時扯火, 好火咁去攞起枝筆, 你作為一個醫生都咁無禮貌, 我又駛咩對佢有禮貌啫. 於是我對住呀醫生同佢講, 你駛唔駛咁o既態度呀? 係咪當一百幾十的診金客唔係客呀, 係咪覺得自己應該去睇幾百元的客呀? 你唔想做都無理由咁o既態度oY? 呀醫生竟然問我, 你又咩態度呀? 我咪答因為你用咁o既態度, 我咪咁o既態度Lor! 仲有呀! 做醫生點解唔帶口罩呀, 睇睇吓先叫病人出去帶口罩, 有無道理先?
唉! 嘈完後, 我都係要問番呀女醫生個皮膚病教授的資料. 於是我唯有再問佢 : 咩教授呀? 咩名呀? 咦! 佢又肯講喎, d人真係你唔發惡便當你留. 最後我問佢咁有無電話呀? 佢答我你自己上網查啦! 真係激死.
所以之後我分別打電話及到元朗仁濟中醫診所投訴呢位年青女醫生.
雖然果次的經歷非常唔好, 不過唔得唔講番句多謝呢位女醫生的介紹, 因為老媽係元朗仁濟中醫診所睇了兩個月後已開始好轉, 現在每星期去覆診一次, 每次診金連7天中藥, 收費HK$300左右. 真係唔單只抵, 最緊要係有效嘛, 所以我叫老媽KEEP住睇, 唔好停.
位於健康院的3/F
第一次睇要先到評估室做評估.
登記及取藥處
已經加o左價喇!
唉~~一D醫者父母心都無....
回覆刪除[版主回覆05/27/2011 13:54:00]唉! 不過都多謝她介紹我老媽到元朗睇皮膚科.
但你去那間不是仁濟噃 ??????
回覆刪除[版主回覆08/05/2011 11:05:00]多謝你的提醒呀. 我已經更改了.
e?!~ 我阿婆塊面生左好多一點點,佢住元朗,
回覆刪除我仲諗住帶佢去博愛睇皮膚科,但我見你Post博愛D相,但內容就話仁濟唔好,
咁究竟係邊間唔好呀?
我仲帶唔帶阿婆去博愛好?
[版主回覆08/05/2011 08:38:00]Sorry呀!我寫錯了!正確的醫院是博愛醫院的中醫。我會更正番嫁!
多謝好心人
回覆刪除請問教授名字是?
回覆刪除我都想知個教授名字呀!可以給我嗎?
回覆刪除你好! 我都打算去元朗博愛睇皮膚敏感,請問你媽咪睇的教授叫咩名呀?謝謝!
回覆刪除[mgtchristy回覆08/29/2012 14:24:32]是否周克邦醫師?他現已回廣州...