澳門慶生 - 酒店篇

26 MARCH 2011 (陰天)

今年的生日好開心, 露花請我同老爸, 老媽一起過大海, 仲有老友叻靚醒及亞儉陪Tim! Yeah!

今次我於二月二十零號左右才開始訂酒店及船票. 因當時收到匯豐銀行的電郵, 用匯豐信用咭及經它推介的網訂酒店, 船票及水舞間門票均有折.

於是我的安排如下:

酒店 : 經Agoda訂了澳門君怡酒店兩間房, 每間HK$810左右. (個人認為價錢可接受, 因為我們是於星期六出發).

船票(金光航運)及舞間門票(B區) : 經澳門南華旅行社訂了六套票, 每套HK$880

今早坐9:30船出發.

上船後, 我們需自行坐的士到酒店, 車費為MOP33. 因為酒店提供的碼頭接駁巴士要下午2:00後才有.

好彩, 未到Check In時後都可以有房啫. 初時話只有一間, 後來兩間都有.

房間感覺都唔錯, 幾乾淨. 起碼兩張床都夠我們4個大人瞓. (不過要拍埋兩張床)

放好行李後, 我們便出發去食晏.

我們將會去黑沙灣的"法蘭度"食午飯. 當我們落到酒店門口, 見到有架巴士, 便即走o左上去, 點知班車原來是去港澳碼頭, 之後我們又要坐番的士去黑沙灣, 車費為MOP110, 真係傻仔Tim! 算啦! 當到澳門行大運啦!