五一勞動節大戰

1 MAY 2011 (天晴)

真好! 對於打工仔來講, 尤其是返五日工的朋友, 呢三個星期真開心, 每星期只上四日班.

今日本來我們是打算戶外活動的, 後來因陳生要參加網球比賽而取消了. 於是我們改為麻雀耍樂.

今次我們又可以開兩枱, 仲由下午一點開始, 打到零晨四點, 足足打了20個東. 真係大滿足呀!

因為有備而戰, 所以各人分別帶了食物來做下午茶及宵夜.

大人游乾水, 小朋友跟陳生去游濕水.

打到7:00pm, 先去"小草屋"食晚飯.

等食中的小朋友慣例 - 打機.

Paco BB仲細, 肯寫吓字.

四眼哥趕得到來食晚飯.

今次是我第一次到"小草屋"食晚飯, 味道都幾好喎.

食完9:00PM左右, 繼續戰過.

到10:30PM, 仲有腐竹薏米糖水及Mango布丁食. 好豐富呀!

今日的大贏家是露花, 他好勁呀, 食了一舖"自模清一色, 一般高, 加各一條明龍及暗龍", 總數128番, 呢個紀錄一定要記住佢. 可惜最後我幫他敗了部份身家.

相信今日大家都打得好夠喉, 因為有好兩年無試過打通頂了!