唔該晒亞不

15 APRIL 2011

因為已決定了暑假的旅行, 由沖繩改去越南, 所以今晚趁返學前, 約亞不短聚一小時, 一起食晚飯之余, 仲請教亞不有關的越南資料, 當然仲要問她借書仔啦.

今晚我們去了山林道的老趙食越南菜. 我們兩人點了以下的食物, 共四款.

初時我們坐了一張兩人枱, 而我們旁邊有兩位女仕坐了一張可以拆開的四人枱. 由於我們所叫的食物較大碟, 所以侍應便二話不說地, 沒有徵求果兩位女仕同意, 便把她們的另一半二人枱移了過來.

就係咁, 出事喇! 其中一位女仕開始發作, 不停口咁投訴, 又話點解一定要般她張枱, 佢地都係兩個人啫(即係話我同亞不), 又話接受唔到, 一定要轉坐四人枱. 真係煩到你oY, 雖然她唔係話我同亞不, 係投訴老趙的侍應, 但她不停口係咁講, 講到好似我同亞不特登要o左她張生人霸死地的枱.

最終, 侍應走來同我們講唔好意思, 幫我們換細碟, 移番張枱俾她們. 係呢個時候, 我真係忍唔住口, 話快D快D俾番佢, 唔要唔要呢張枱喇. 食餐飯啫, 駛唔駛咁煩呀, 可防呢兩位超中年女仕只係點了一個炒菜, 一碟小食及一碗飯. 真係二百分唔明白點解一定要張四人枱. 我想只有兩個字來形容 - "發癲".

我同亞不唯有當她無到, 繼續我們的話題. 我們傾到差唔多八點, 食埋個甜品便離開. 

 今晚唔該晒亞不!