契女寶怡的13歲生日會

15 JUNE 2009 (下雨)

今日係寶怡最後一天的考試, 剛好也是她的正日生日. 所以昌爸於前兩日才決定今晚同寶怡o係屋企搞個簡單的生日會.

由於我今日下午要上大陸開會, 所以可以早一點先去亞昌家幫他核對北海道的行程. 之後亞君一家同老公都陸續到喇! 本來都有預埋Alice同梅生, 但他們要返大陸工作, 未能出席.

我的四個契仔契女聚埋一齊, 第一件事梗係搵o野玩啦!

可以開餐Lu!

大家開開心心咁邊食邊傾. 之後小朋友再玩多陣, 而我們幾個大人就坐係度吹吓水. 9:15pm左右要開始戲肉喇! 就係切蛋糕喇!

呢個係美心新出的"魔鬼蛋糕". (前兩日先食完個"天使蛋糕". 今日又可以試吓"魔鬼蛋糕". 嘩! 呢3日真係肥死人, 連續3日都有蛋糕食o麻!) 

好, 由亞晴亞橦帶頭唱生日歌!

壽星女影張相先!

一家人合照.

梗係唔少得同契媽影啦. (亞寶好快高過我Lu!)

3位靚女合照.

我的四個契仔契女合照.

到大合照喇! 影完大合照可以食蛋糕喇!

真係話咁快就13歲了! 唔知寶怡仲可以俾我們陪她過幾多個生日正日呢? 遲D她的正日好可能會係留俾她自己的好朋友Lu! 點都好, 正唔正日都無所謂啦, 最緊要我們每年都可以有機會一起同她慶祝.

寶怡, 大個女喇! 祝你生日快樂, 學業進步, 愈大愈靚女啦!

P.S. : 因為星期六才收到昌爸通知生日會時間, 所以生日禮物要後補呀!