2009日本之旅17天遊 (Day 12)
2 FBE 2009 (天晴)
打完最後一份工, 都差唔多要走o拿!
清場前KidZania仲有個小巡遊o架, 原來參加呢個巡遊的所有小朋友都係打工身份o黎, 因為先前我打算幫3位小朋友報名, 後來因為撞o左"宅急便"份工, 所以唔能夠參與. 呢份工每人都可以賺到$8大元的!
睇完巡遊後, 我們便到上2/F的樓梯口度幫亞晴同子健買番張型仔型女制服相先.
跟住我們要小朋友點數, 睇吓今日揾o左幾多錢, 仲要他們Show出來影相留念, 話晒都係第一次靠自己能力賺到錢o麻! (雖然都係假o既!)
雖然係度足足玩o左6個鐘, 但我們d大人都真係無咩點行開過. 要不停跟住小朋友, 陪他們排隊, 仲要幫他們影相呀, 拍Cam呀! 真係好鬼忙同攰Lor!
所以臨走前都要上2/F八吓. 周圍八完後, 我們3位小姐都忍唔住見椅就坐低"抖抖"先.
我們3個坐低後, 完全唔想陏. 基於要實踐3個女人一個墟的道理, 我們梗係邊坐邊吹吓水啦. 大家傾吓傾吓, 後來發現點解唔見o左對姊妹花o既? 於是我們同亞君便分頭尋人, 揾o左一陣都唔見人Wor, 我落埋1/F都揾唔到! 無理由o架, 走得去邊啫, 心想會唔會老公帶住她們呀, 因為老公一直都無同我們一起.
終於俾亞君揾到, 姊妹花真係捉o左契爺去兒童樂園玩. 我們都唔知有個o咁o既兒童樂園, 唉!D細路真係犀利. 邊度都會揾到好o野玩.
後來我同老公講, 點解你帶o左她們去玩唔單聲呀? 老公話, 亞晴話已經同我們講o左Wor, 所以他無再跟進Lor! 跟住亞晴同亞橦梗係要俾爸爸媽媽教訓啦! 晴晴橦橦, 記住下次唔好再犯喇!
真係要離開KidZania樂園. 由於我們要等Alice, 梅生, 亞儉同婆婆來會合, 所以我們便隨便係KidZania門口揾個位休息吓先, 大人要小休一陣, 而小朋友就係度點算收獲.
呢D係他們其中的部份收獲.
希望3位小朋玩得開心啦!
上一篇 : 日本合家歡之旅 - (Day12 - 2/2/09) 豐州KidZania - 宅急便篇
下一篇 : 日本合家歡之旅-(Day12 - 2/2/09) 豐州 LaLaport四圍逛
沒有留言:
張貼留言