BB狗的15年歲生日會 - 生日會篇

21 JUNE 2009 (天晴)

今日係我的愛犬BB狗15歲的生日呀! 15歲Wor (即係人o既75歲喇!), 梗係要揾多d人幫她慶祝吓啦, 所以我1個月前已決定帶BB去亞君屋企玩, 因為亞晴同亞橦都好想見吓BB o麻!

講真, 其實我唔知亞Be的真正生日日期o架! 因為當年我帶她回家時係9月尾, 而她的前主人話我知她當時約3個月大, 咁即係6月出生啦. 而我同老公的拍拖紀念日係6月21日, 於是我們便決定亞Be的生日係6月21Lor!

其實今日都有3件事一同慶祝o既. 第一當然係BB生日啦, 第二係父親節 (當o麻同亞君及大眼的慶祝啦), 第三係我同老公的拍拖23年的紀念日!

今日下午2:30pm, 老公先去外家接BB, 而我就去美心攞蛋糕 (因為昨天我已係美心買了一個天使蛋糕俾亞Be!). 之後我們便搭的士去將中喇!

初時去到亞君家, 要等亞Be四圍行吓, 熟習吓環境先. 但因為地板對亞Be來講, 可能較滑, 她常常行幾步後便跣低. 於是她索性只係趴係地上.

亞晴, 由細到大都係好鍾意狗狗o家! 記得她2歲多時同她去大澳玩時, 她竟然想自己走去同流浪狗玩, 真係俾她嚇親!

大家傾吓計, 小朋友同亞Be玩o左一陣後, 便開始切生日蛋糕喇!

我們一家影番張相先!

3位小朋友唱生日歌俾亞Be聽. 點解有3枝蠟燭o既? 因為每位小朋友都代亞Be吹蠟燭o麻!

跟住3位小朋友又代亞Be主持切蛋糕!

亞晴仲有生日禮物送俾亞Be Tim!

等BB狗飲完水, 我們便落平台玩及影相!

祝亞BB狗身體健康! 唔好咳喇! 希望可以同BB過多好幾個生日啦!