鍾意旅行,鍾意熱鬧, 鍾意搞搞震 : 日本合家歡之旅 - (Day11 - 1/2/09) 草津溫泉, 輕井沢

2009日本之旅17天遊 (Day 11)

1 FEB 2009 (下午天晴)

兩小時的車程係半睡半醒中渡過了. 我們終於到達了輕井沢.

大家一起先行去輕井沢新幹線站寄存行李. 每件行李收費JPY400, 可放全日o家!之後大家便向Outlet出發. 我們先攻東館, 因上次同亞昌來時東館休息o麻, 今次仲唔Shop個夠!

由於我們5條友無買三文治當Lunch食, 所以我們要先去醫肚, 我們仲去番上年食過的ICE CREAM&CREPE PICCOLA ROTONDA 店食Crepes (因為上年老公同梅生去o左滑雪無食過, 他們好想試吓!). 而Rosand同Carol先係附近各自逛一陣, 等我同Alice食完後去會合她們.

JPY600

唔好意為只係杯雪糕, 因為個Crepes裡面仲有好多Cream o家! 食完真係可以頂到6:00pm食晚飯o家!

食完後, 我同Alice拿拿淋走去搵番Carol, 伯母同Rosand. 於是我們班天生購物狂女人便自己去Shopping.

仔女留低俾D男人照顧住先. 班男人會去西館行吓, 睇鐘及帶小朋友去Lego Shop玩.

我們班女人第一個目標當然係agnis b啦, 係度都搞o左差唔多成粒鐘, 大家當然買得好盡興啦!

睇吓我D戰利品. (其實班男人先前都會睇吓NIKE, PUMA, Adidas及Phenix的, 但因為今年紙水實在太高, 好難買得落手!)

之後我同Carol,伯母再去西館睇吓OL的上班衣服. 好彩都有斬獲啫!不過我們掛住Shopping, 遲o左20分鐘先到

. 真係唔好意思o拿!

今晚我們訂o左6:00pmろぐ亭食近江牛.

我們共分了3張枱, 亞君一家.

Carol一家.

另外係我們5條友一枱. 由於26/1那次來食, 我們便食了近江牛. 而我們來過這麼多次都未試過松阪牛, 加上3位男仕今日無購物, 所以決定今晚要食豪D, 一於叫松阪牛的Sukiyaki - JPY5,000/1位.

嘩! 都係個句, 入口即溶. 咁同近江牛有咩分別呀? 唔.....松阪牛的肥膏位置好均勻, 牛味較濃同貴D Lor! 講真又真係較近江牛好味D!

話時話, 呢間食店我由2004年開始幫襯, 每年去親輕井沢都一定會去食近江牛, 有時仲會去兩次Tim!

因為要陪唔同的團友去食o麻! 所以老闆都當我們係熟客o拿, 以前佢會送沙律俾我們o家, 但呢兩年都無o野送o拿, 不過今晚佢竟然送o左個會唱歌的毛毛鴨仔俾我. 我當然係轉送o左俾亞晴同亞橦啦. 之後她倆姊妹經常跟住鴨仔係度唱日文歌, 勁搞笑同可愛!

時間差唔多了, 我們要坐20:02的新幹線返上野.

輕井沢 20:02 > 上野 21:06pm (新幹線)

當大家按照車票上的指示去到8號車廂指定席揾位坐時, E!! 點解幾個位都俾人坐o左o既?

正當我開口問坐了我們位的日本嬸嬸時, 老公即刻話我們將票日子係31/1呀, 唔係1/2呀!

, 我呢個導遊又衰o左o拿!

呢個輕井沢唔Like我, 27/1帶亞昌一家來時, 西館竟然閉館. 今次又搞單咁o既o野呀!

好! 先要處變不驚

. 我們先行去自由席, 見位就先坐. 我,老公, 儉儉, 梅生, Rosand同亞君唔驚, 因為我們有Pass. (請睇張票的日期!)

但係Alice, 伯母同Carol兩公婆張票就可能麻煩一點. 因為他們的票係當日票, 仲要JPY5,550一張, 無理由要買過張o架! 唔.....坐低諗諗先

. 當我坐低後, 我用張白紙寫低係因為池袋JR站的人搞錯日子, 加埋我有一份Schedule正本, 打算同車長傾傾. 點知車長話落車先同JR站講Wor!

算啦唔好想咁多. 到o左上野再睇吓點啦!

到o左上野新幹線出口, 竟然有個女檢票員企係閘口. 於是我們便梅花間竹咁拖埋D細路出閘, 無用出閘機, 而Carol好醒咁用手按住了日子Show俾閘口的人睇便過倒骨.

好彩過到第一關

. 又講番轉頭, 好彩Alice同Carol等四人係輕井沢站入閘時, 都係跟我們揸Pass o既一起過, 無經入閘機, 如果唔係o米可能入閘時已被o都o都 o都, 有可能要補票Lor!

由於上野的新幹線站是同JR相通的, 都唔理咁多照上埋山手線先. 返到池袋再諗點樣可以順利出埋池袋的閘, 因為正常我們係要拿住張新幹線車票去出閘口再o都Suica來扣上野至池袋呢程的山手線車費. 我們6個揸Pass的無問題, 因Pass包埋呢程山手線, 但係他們4人可能有麻煩, 為了唔怕一萬, 至怕萬一. 所以我決定先同Alice用Pass行先, E!!掂 o左, 跟住我拿拿聲係另一邊叫老公過來拿我的Pass借伯母用, 又掂! 再用亞君個Pass俾Raymond用, 都ok. 跟住Rosand的Pass俾Carol用, 好o野!全部順利出閘

. 大家終於有驚無險咁虛驚一場! (之後諗番, 其實當時我們應搵有Pass的人出閘係上野JR站買4張山手線票俾他們o米唔駛咁心虛Lor!)

因為我們30/1用了Suica由池袋去上野, 跟住去坐新幹線, 所以Suica內的扣款未Clear. 理應回程時係池袋站出閘時Clear的. 但我們怕張新幹線的日子不正確有麻煩, 所以無做呢個Step. 因此明天我們便要o係池袋站清番張Suica!

大家再轉東武東上線返常盤台o拿!

(消費總額) :

西武巴士	:	JPY 4,400.00(2人)
Crepes	:	JPY 1,200.00(2人)
松阪牛	:	JPY 11,460.00(2人)
東武東上線	:	JPY 320.00 (2人)
酒店(老公)	:	JPY 2,533.00 (1人)
酒店(我)	:	JPY 3,800.00 (1人)
合計	:	JPY 23,713.00 (2人)