日本合家歡之旅 - (Day13 - 3/2/09) 長野,白馬滑雪行

2009日本之旅17天遊 (Day 13)

3 FEB 2009   (天晴)

今早亞君一家要坐9:50am的機返廣州, 而昨天已買了6:00am的成田特急去成田機埸. 我們呢D老友, 為怕兩位小朋友未訓夠, 又怕他們多o野攞. 所以昨日我們買滑雪Package時, 決定坐6:30am的新幹線去長野, 咁我們便可以陪同亞君一家一起去池袋轉車, 順便可以幫他們拖吓行李. 亞君, 你睇吓我們對你幾好oY!

係o米好感動呢!

我們真係倒塌都無咁早呀, 4:15am便起身, 跟住4:30am摸黑出門!

常盤台 05:15 am > 池袋 05:25am (東武東上線)

月台真係鬼影都唔多隻呀!

 睇!亞晴同亞橦個未訓醒樣!

到池袋喇! 第一次見到無人o既池袋站呀, 真係難得!

我們送亞君他們上埋月台, 便真係要同他們Say Goodbye喇!

返香港團拜見啦!

池袋 05:45 am > 上野 06:05am (JR山手線)

上野 06:30 am > 長野 08:05 am (長野新幹線)

之後我們坐JR去上野站, 再轉乘6:30am的新幹線去長野!

大家上車坐定定後, 第一件事梗係要即刻補眠啦!

終於到達長野站喇! 今次係我們10年後的舊地重遊長野站及白馬呀, 真係令我想起好多回憶.

所以我決定稍後會出兩篇想當年的網誌, 希望唔好悶親大家!

一出閘後, 即見到"善光寺"個大字牌. 真係啱喇, 我們明天會去"善光寺"o家!

因為我們要坐9:10am的酒店巴士, 見仲有咁多時間, 先去打探吓我們的上車位置. 然後再搵間Coffee Shop嘆番個靚早餐.

呢兩個分別係我同Alice的早餐!

食完早餐, 時間啱啱好! 我們便出發去坐巴士.

先上行李!

上車喇!

個半小時的車程話咁快就到, 可能我們係咁想當年啦, 到底白馬Green Plaza Hotel同2000年時有無唔同o左呢?

我想起碼有一件事唔同Lor! 以前我訂時係send fax, 酒店仲郵寄Resort的pamphlet俾我Tim, 現在當然可以上網訂啦!

相信去得白馬的旅客, 目的都係滑雪. 雖然實際取房時間係3:00pm, 不過酒店都會先安排客人Check In, 寄存行李(要放Locker)及換滑雪Pass. 當然我們都唔例外啦!

 

Check In都搞o左好一段時間, 你睇梅生等到個樣幾呆!

"o米o米摩摩", 都搞到成12:00pm才食晏. 呢間餐廳同我們2000年來時一樣呀, 我們當時的第一餐都係o係呢度食o架!

食完午飯, 大家休息吓, 吹吓水, 抖夠後去更衣室裝備吓, 跟住便去租滑雪用具. 呢兩日的主菜開始喇!

 

 

上一篇 : 日本合家歡之旅-(Day12 - 2/2/09) 豐州 LaLaport四圍逛

下一篇 : 日本合家歡之旅 - (Day13 - 3/2/09) - 白馬滑雪Package介紹篇