最緊要有孫女的父親節

20 JUNE 2009 (1號風球)

本來今晚係同老豆食晚飯慶祝父親節的. 但因肥仔細佬呢兩晚都要收夜, 加上兩個姪女又有小小感冒. 所以老豆話推遲下星期才食晚飯Wor!

但無理由唔揾d o野搞吓o家! 於是我便提議同老豆一起出去揾兩個姪女飲茶喇! 為o左老豆高興, 我今日唯有睡少兩個鍾覺啦. 即係要11:00am起身呀!

我對上見呢兩個o靚妹, 都係上個月母親節時. 今次見她們又高o左喇! 亞妹仲肥o左Tim!

飲完茶, 我們便上o左大細佬屋企坐坐. 我呢個姑媽今次買o左兩本有貼紙的畫冊俾她們, 睇她們幾咁專心撕貼紙! 仲一人係畫冊上攞o左一個心形貼紙送俾亞爺Tim!

之後, 大家一起食蛋糕慶祝父親節. 呢個蛋糕係我個肥仔細佬訂o架, 他仲叫o左師傅加多d生果係面Tim! (因為他係呢間餅店做!)

我老豆果然係有孫女萬事足喇! 睇見他們三個都笑得幾開心!

老豆! 父親節快樂!