22 JUNE 2009 (勁熱, 有雨)
因為Elizabeth明天要去我條Team的工廠睇新一季的樣辨. 所以今天我同Angus一起先上廠查核所有樣辨及安排好鬼妹明天的大駕光臨的所有事宜! 而晚上也決定去常平太子酒店住一晚, 咁明早可以同鬼妹一同出門.
基本上每年的5月同11月Development Trip, 負責的同事都要上廠陪鬼7-10天. 今年算好彩喇, 我條Team唔駛Stay廠, 不過隔離Team就走唔甩喇!
Elizabeth見今晚咁人齊, 便決定晚飯食鐵板燒. 而今晚的愉園酒店, 我都係第一次去咋! 呢度d食物質素都唔錯Wor, 好食過太子同三正的鐵板燒!
難得一起聚餐, 影吓相先.
我們每人都叫o左一個Set, 個Set可以任你改o架, 好似我唔食魚生, 而同事唔食蝦, 全都可以改食燒銀雪魚.
個Set有咩食, 睇吓相啦! (我都無影沙律, 炒什菜同炒飯喇!)
龍蝦伴火龍果的前菜.
麵豉湯配蒜容飽, 未試過呀.
大蝦.
銀雪魚.
主菜 : 牛柳
呢個係Rennie的羊排.
我們仲有Order天婦羅.
仲有水果.
最特別係呢個甜品 - 燒香蕉火焰雪糕.
嘩! 要熄燈放火呀!
最後個買相, 可能唔係好好. 不過又真係幾好食Wor!
呢位美女大廚都好厲害o架, 又好人. 真係唔該晒她咁好的招呼呀!
當我返回太子酒店房間後, 竟然發現有得選枕頭Wor! 我先前住幾次都無o架.
因為好多時酒店原本安排的枕頭都唔係咁好訓, 所以有得Order 枕頭, 梗係要揾個好啦! 於是我選o左2款枕頭, 一款係"U"型, 呢個"U"型枕, 真係好搞笑. 唔通有人會用呢個來訓覺o既?
另一款係"波浪型". 呢個正路好多, 今晚決定用呢個啦.
點知訓吓訓吓, 個波浪枕又好似高o左D Wor! 最後我都係用番原本個枕頭來訓覺, 不過只用一個. 真係攞來搞!
沒有留言:
張貼留言