8 MAY 2009 (天晴)
今日基本上全日都用o左來開會, 我同Angus由10:30am - 12:00pm開完第一Part, 食完Lunch後, 再由2:15pm-5:00pm
.點解要開咁耐會
因為我老闆(所謂老闆, 他係香港公司的President)今日會向美國總公司提議我同Angus會幫手跟埋銀包仔Team(我們係屬於化妝袋Team)的Product Development, 另外我仲要睇埋他們的品質.唉!講真我同Angus真唔多想o架, 問題唔係話怕多o左o野做呀, 而係我們覺得立場好尷尬
. 點解! 真係說來話長......話說, 我公司係美國Buying Office, 美國有70人, 香港有22人, 共分3Team. 分別有手袋組, 銀包仔組及化妝袋組. 我係化妝袋組的, 而我呢組係一手一腳由我老闆湊大, 去年3月銀包仔組也開始由我老闆真真正正睇埋, 本來銀包仔組仲有一位大姐 (她係公司元老級, 做o左差唔多20年吧), 但她跟總公司的大姐大唔係好夾得泥, 所以係今年3月初便離職. 由於銀包仔組的各位同事, 全都跟了呢位亞姐多過10年 (當然也有一定程度的經驗啦), 因此一下子要他們迎合美國總公司的要求會有一定的難度. 而我們化妝袋組係呢3年與美國總公司的各方面都溝通得唔錯, 所以老闆希望我同Angus能係呢方面幫吓隔離組
.經過今日同銀包仔同事一起開完會後, 最終我同Angus由下星期便開始跟一跟他們的工作. 希望我們真係可以幫到吓大家啦!
除o左呢項新工作之外, 我仲有一個新任務呀! 呢個任務都幾棘手吓, 又係要做3條Team的物料Coordinator, 呢個job仲麻煩, 因為要跟美國大姐大交代o家! 唉! 真係有排都唔得閒
, 係下星期開始都睇泥都要一星期上大陸廠2-3次!
寫開又寫o拿! 18/5美國的Production Manager會從鈕約來香港公司2星期, 嘩! 大家都好擔心呀, 唔知會唔會帶埋d H1N1來o家! 我們打算係呢段期間, 日日都要帶口罩呀!
沒有留言:
張貼留言