9 MAY 2009 (天晴)
今日提早一日同亞媽慶祝母親節, 因為明天正日會去老人院探奶奶.
今日我兩個細佬都要開夜, 唔得閒一起食晚飯. 不過亞媽就出去帶o左兩個小姪女入來玩, 所以我4:00pm便同她們一起去o左馬鞍山廣場的冒險樂園. 我都有成2個月無見她兩姊妹o拿, 今次覺得她們高o左唔少, 亞妹仲肥o左Tim!
講真, 今次都係我第一次帶她們去呢度玩, 而我都係第三次去炸. 今日見到有個好抵玩o既遊戲套票, HK$28可以玩4種遊戲.
有波波池玩.
又有火車坐.
仲有螢光保齡.
玩完保齡球, 每人攞到20張票. 雖然唔知有o羊用, 都俾兩個小朋友開心吓!
最後仲有一款電動遊戲坐Tim.
跟住我又同她們玩吓旋轉馬仔.
今日兩個小姪女都玩得好開心! 之後行路返家樓下的酒樓食晚飯.
行吓行吓, 兩位小朋友玩要坐底休息吓, 仲話要同亞影番張相!
去到酒樓, 等埋亞爺同姑丈後, 我們便開始食晚飯. 亞妹 - 琪琪食吓食吓頂唔住要訓覺.
食完飯, 上返屋企Hea了一陣. 之後請母親大人切蛋糕慶祝.
食完蛋糕, 兩位小朋友話要同BeBe狗影相wor!
雖然今日唔可以全家同亞媽慶祝母親節, 不過有兩個孫陪她, 相信亞媽都一樣咁開心啫!
沒有留言:
張貼留言