濕地公園

1 MAY 2009   (天晴)  

我們於3月份已去過一次濕地公園, 點解今次咁快又去o既! 因為昌Ba話好想帶寶怡同嘉熙去, 亦都好想我們一齊去. 而我們上次係濕地公園逗留的時間好短. 所以決定再去濕地公園!

今日好好天呀! 大家約o左11:00am係濕地公園門口等. 老實講, 濕地公園真係好遠, 無車勁唔方便. 相信我唔會再去Lor!

今日10:00am先約亞儉係沙田新城市廣場一起坐巴士入去天水圍, 跟住再轉的士. 今次的參加成員有Common一家, 昌Ba一家, Rosand一家(不過無亞君份)及遲d入來join的Doris一家. 本來Tammy同Alice都有份o家, 後來她們有事未能參加!

嘩! 今日濕地公園好多人呀! 我第一時間走去買入場卷先. 好彩唔駛排隊, 不過我買完後即刻有條人龍o拿! 因為我們都有10幾人, 所以可以買團體票!平HK$3啦!

由於Rosand未到, 我們趁呢個時間係門口影吓相先.

我們較喜歡公園兩旁的草地. 上次影o左有梯級那邊, 今次影另一邊!

好難得呀, 今次麻麻都有一起來!

等到Rosand o拿, 原來婆婆都有一齊來! 大家影番張合照便入場啦!

入到公園內, 見到有隻人扮的蝴蝶wor!

之後行前一點去睇吓公園的新朋友 - 初生海龜. D海龜仔到7月便要放番落大海生活o拿!

跟住我們先上2樓玩室內的活動, 打算食完Lunch後, 才進行戶外活動, 因為今日實在太曬及太熱o拿!

我們首先入去"人類文化"睇睇, 因為上次無時間去.    原來入面有好多的電腦遊戲玩o家, 仲有一個動感飛船的機動遊戲玩Tim! 不過上午的票已派完, 我們要1:15pm排隊取票.

之後我們再去"濕地直播室", 呢度o既遊戲更加多. 班小朋友玩到唔想走!

時間差唔多o拿! 我們要返回"人類文化"館排隊取票. 嘩! 1:15pm已經有很多人o拿, 仲有30分鐘後先開始派票wor! 係呢個時候, Doirs, 大眼同杰昇剛到來! 終於攞o左13張入場卷, 本來有14張o家, 因為杰昇唔夠高, 所以無得玩. 其實亞橦都唔夠高o架, 不過她好醒, 度高時識得"拮"高Lor!我們要分兩批玩, 因為每次最多7人參與啫!

都差唔多2:00pm, 係時候要食晏o拿! 呢度只有一千零一間的大家樂, 所以勁多人. 我們要分頭搵位, 分開坐! 好彩我們夠多人, 可以分工, 等位時昌Ba同Rosand先去排買票的隊, 而大眼同Luhter排取食物的隊. 最終我們花了1小時食飯, 之後便去玩動感飛船!

终於可以出戶外o拿, 先去探吓"貝貝"!

我們o既目的地係去"紅樹林"浮橋, 之後便完成今天的行程!

大家沿途邊行, 邊睇o野, 邊影相!

有魚呀!

我好鍾意嘉熙呢張, 好有Feel呀!

睇吓老公影o既花花啦!

行到另一個活動中心, 有摺紙遊戲, 小朋友梗係要入去玩一陣啦!

之後大家係觀景點度影吓相先!

要出發去行浮橋o拿! 入浮橋前見到好多人塞住係觀鳥屋內. 班細的又點會執輸唔入去睇吓oY!

不過我同老公就發現有隻牛蛙停o左係觀鳥屋門外wor, 好似隻咁樣!

終於去到浮橋o拿, 今日水漲呀! 所以真係好有浮橋Feel, 好好玩!

係紅樹林, 仲見到好多紅蟹Tim!

時間差唔多, 係時候回程o拿! 當我們成班人典後邊行邊傾時, 突然聽見有小朋友哭得好大聲wor! 望吓先, 吓! 原本係亞橦係度哭, 我們即刻走埋去睇睇! 嘩! 陰公, 亞橦因為跑步追家姐同Ryan而趺親! 好慘呀! 個額頭起o左層好高的樓呀!

希望橦橦快d好番啦, 因為5/16仲要去表演o家!