日本合家歡之旅 - (Day10-31/1/09) - 草津溫泉, 草津國際滑雪場

2009日本之旅17天遊 (Day 10) 

31 JAN 2009 (寒冷下雪)

我們2:30pm回到Pension, 大家去吓洗手間, 休息吓.    15分鐘之後, 厚生先生便車我們去草津國際滑雪場 .

先前Carol都好擔心, 今次會睇唔到落雪. 因為昨天同今早都係落雨, 但返到Pension後, 個天便開始有飄雪, 加上厚生先生以他的經驗同我們講今日係雪山一定會落雪. 好彩, 最終都可以滿足到Carol, 子健同伯母的希望.

今日剛好係滑雪場雪祭り的第一日, 小朋友廣場可以免費入場, ,平時要JPY300一位的, 仲有3:00pm開始免費派熱豚汁同紅酒Tim!

一入到滑雪場門口已經見到好多人排隊o拿! 好彩我們的團友Alice同Raymond都好成功咁攞到杯紅酒飲!

之後便帶小朋友去兒童廣場玩o拿!

一去到兒童廣場, 亞晴即急不及待拉住我乘電動輸送帶上去玩水泡. 點知, 原來D水泡要每次收費JPY200, 嘩! 好貴啫

! 上越國際只需JPY400就可玩全日. 所以我們決定唔玩水泡, 只玩雪兜,

首先要多謝伯母

, 好快咁幫小朋友們搵到2個雪兜. 亞晴一馬當先走上山, 而子健因為係第一次玩, 所以由我陪他試玩吓先.

之後除o左亞晴同子健不停地在玩雪兜外. 其他團友梗係都要體驗吓啦, 而當中伯母同Carol都係第一次玩,  所以大家都十分之興奮. 

終於見到四個滑雪狂男o拿. 亞晴亞橦即刻要捉住爸爸陪玩雪兜. 而我們兩家亦都要襯人齊影張合照!

 

唔得, 呢度實在又大風, 又凍

. 所以我, Alice及Rosand決定要入室內避避, 取吓暖. 於是要求亞晴亞橦唔好再玩雪兜, 同我們一起去取暖. 而Carol一家繼續再玩多陣.

我們搵o左間家鄉雞坐低, 一人嘆番杯熱朱古力.

家鄉雞望出去的滑雪場景色.

我們KFC都Hea o左有粒幾鐘. 真係有D唔想再出去吹風, 之後見到老公他們滑完雪了, 仲係KFC後面的露天珈琲店嘆琲. 於是我們便把所有的背包交俾他們幫忙看管. 而我們便再帶亞晴亞橦出去揾子健玩多一陣雪.

玩雪之余, 當然唔少得影相啦.

天開始黑o拿, 亦都開始落雪. 终於老公他們也出來同我們會合及影相.

嘩! 好難得o既13人合照呀!

因為雪祭り的關係, 今晚滑雪場門口會於5:00pm點燈.

又多一張大合照.

因為D雪越落越大, 於是我早10分鐘前便致電厚生先生預備來接我們返Pension. 大家剛影完合照便見到厚生先生的2部車子, 真係時間啱啱好, 唔駛係度吹風

.

大家返到Pension, 休息了一陣. 6:00pm才開始晚飯時間. 食飯前, 老公,亞儉同君走o左去足湯. 可能四位滑雪男今日真係博得好盡, 所以對腳勁疲累

.

坐定定, 未食前, 又影吓相先.

嘩! 又滿枱都係呀! 勁!  睇吓今晚有咩食先! 點鮮個鍋物咁好食o既!

唔知係o米, 厚生先生見我昨晚另外Order再一個雪糕的關係, 所以今晚的甜品係雪糕呀. 超正!

燈!燈!燈!燈!

厚生先生的真面目終於亮相o拿!(睇, 枱面的雪糕幾壯觀!

)

食飽飽後

, 我們繼續係餐廳度同厚生先生傾吓計. 厚生先生真係好好人呀, 希望我們好快會再到訪啦.

而小朋友又出去Lobby玩.

之後大家又要輪流分批去浴場浸吓溫泉

, 跟住訓番個好覺.

Misago Pension收費 : 大人 - JPY9,075; 小童 - JPY7,875.

預告 : 大家會唔會好奇怪點解我無寫有關滑雪場的滑雪收費呢

? 因為老公話呢Part要由佢客席操刀Wor

! 請大家到時捧吓場呀!

 

(消費總額) :

午餐	:	JPY    840.00/1人
其他	:	JPY  1,500.00/1人
揉湯入場費	:	JPY     900.00/2人
Misago Pension		JPY18,150.00/2人
合計	:	JPY21,390.00(雙人)

 

上一篇 : 日本合家歡之旅-(Day10 - 31/1/09) 草津溫泉,西之河原公園 Part 2

下一篇 : 日本合家歡之旅 - (Day10 - 31/1/09) 草津溫泉, 草津國際滑雪場(滑雪篇)