日本合家歡之旅 - (Day9 - 30/1/09) 常盤台,池袋,上野,草津

2009日本之旅17天遊 (Day 9) 

30 JAN 2009   (天陰, 下雨)  

今早我們約好8:30集合, 出門前又要把所有留底的行李搬去我間房. 跟住我去叩亞昌房門Say個

, 因為他們一家今日要先回香港! 真係唔想寶怡同嘉熙咁快走呀!

所以我們今日的團友由17人變為13人!

常盤台  08:45 am > 池袋 08:55 am (東武東上線)

池袋 09:10 am > 上野 09:25 am (JR山手線)

上野 10:00 am > 長野原草津口 12:28 pm (JR等急火車)

大家一如過往幾日般, 先坐火車到池袋, 再轉山手線去上野. 到達上野站後, 見仲有好多時間剩, 所以大家可以分頭去買早餐上車食. 我同Alice及亞晴去o左 7仔買三文治及鮮奶. 點知原來老公又幫我買o左早餐Wor! 哈, 唯有食多D啦!

大家搞掂晒後, 便去搵特急火車的月台o拿! 見到o拿, 見到o拿! 我們就係要坐呢班火車呀!

好! 上o左車, 坐定定後, 大家可以開餐o拿

! 由於3位小朋友係無票的, 所以要同大人share坐位. 因為亞晴份早餐係我度, 所以她過來同我們一起坐.

呢程車都要成2個半小時o架, 所以大家可眠一眠

. 另外由於班車都唔爆, 所以我們的小朋友亦都可以偷雞坐一個位!

终於到站o拿!

睇亞橦呢兩張相幾有離家出走Feel!

(注: 個o急係我o家!)

我們仲要轉搭JR巴士去草津溫泉. 本來我原先是要坐12:35pm的急行巴士, 如果係咁, 我們只有8分鐘轉車炸

! 為免咁趕, 所以我們於火車上便決定改坐遲一班(13:17pm)的普通行巴士. 就係咁, 我們便又有大半個鍾可以係巴士站Hea吓, 影吓!

大家係度買o左個野菜包頂吓肚.

睇吓我後面有幾多部汽水機, 我就無食包, 只係按o左罐粟米湯飲.

呢個係巴士票的自動販買機, 想玩都無得玩, 因為我們一早便係JR訂埋呢程巴士票. 

可以上巴士o拿! 快d上去搵位先, 因為車票無劃位o架. 又因小朋友係無票的, 所以又要同大人share坐. 嘩

! 草津溫泉果然係日本三大名泉之一, 成班車都塞滿晒人, 好彩我們早上車,有位坐啫

! 雖然車程25分鐘, 不過要企位就唔好啦!

落車前10分鐘,我先打個電話

俾Pension的負責人, 麻煩他們來車站接我們. 因為我們人多, 老闆安排o左呢兩部車來接我們呀, 唔該晒!

車站距離Pension的車程好近, 需8分鐘左右便會到達! 待續......

 

上一篇 : 日本合家歡之旅 - (Day8 - 29/1/09) - 君津 > 常盤台

下一篇 : 日本合家歡之旅 - (Day9 - 30/1/09) - 草津溫泉, MISAGO PENSION介紹篇