2009日本之旅17天遊 (Day 10)
31 JAN 2009 (上午天陰有雨)
今早我們的早餐時間係8:00am, 大家去到餐廳已經見到"厚生"先生幫我們預備好的豐富食物o拿! D食物唔單只好樣,仲好好味Tim!
大人們除o左有杯果汁外, 仲有杯珈琲Tim! Misago Pension真係好有Heart, 每位客人的珈琲杯都唔同款o家. 你睇吓有幾多珈啡杯!
第一張相個杯係Alice的,下面個杯係我的. 仲有發現的珈琲奶竟然有十二生肖圖Wor! 而我們集到有9款, 於是我貪得意咁走去問"厚生"先生攞埋餘下的3款俾我影相!
因為梅生唔食蛋, 所以我請厚生先生明天安排一份腸仔早餐俾梅生. 厚生先生好爽快便答應了. 真係唔該晒!
食早餐時, 唔得唔同Rosand講聲, 我發現我們住的Cottage竟然有套麻雀wor! 嘩! 真係有一D手痕Tim! 話實我們真係夠腳開枱o家, 不過我們每日都玩到咁盡, 仲邊有時間打o丫!
大家食完早餐, 又要裝備好才出門. 由於我怕買唔到10:00am的揉湯表演門票, 因為男仕們要11:00am返回Pension去滑雪. 所以我同老公行先去買票.
今早仍然有少少雨, 但個天較昨天光一點, 所以來到湯畑後, 要再一次影吓湯畑的街景.
之後我先去排隊買票, 因為揉湯表演每日只有3場, 仲要開場前30分鐘才有得買.
大家到齊o拿, 時間剛剛好. 我們可於9:30am入場. 入場費JPY500, 可在網上Print out割引卷, 平JPY50.
大家先搵番個靚位坐吓先. "熱乃湯"場館共分為上下兩層, 而我們全坐o係下層.
表演未開始前, 當然要周圍影吓相啦!
時間差唔多o拿, 人也愈來愈多o拿, 真係坐無虛席呀!
係開始前, 等我簡單咁解釋吓呢個"揉湯"表演係咩泥啦!
"草津溫泉的泉水, 出名高溫. 最高溫的泉眼高達攝氏98度, 而草津大部份的泉源都介乎攝氏53-60度. 但係攝氏50幾度的溫泉水, 係不能讓人入浴泡湯的, 於是古時的草津居民便想出一個辦法, 就係用一塊長1.8米的松木板不斷拍打泉水, 使水溫大約可降至攝氏48度左右. 這便是草津特有的古老風俗 - "揉湯"(ゆもみ)
SHOW TIME~
起初由一列穿上傳統服飾的女人分站湯池兩旁. 每人手持松木板, 一邊大唱民謠, 一邊示範拍打泉水. (第一次只係較輕微的拍打)
跟住主持人宣佈可選20位遊人出來體驗吓"揉湯".
我當然要帶同契女出去玩吓啦!
嘩!原來玩完後有証書同毛巾作為紀念品o家! 真係唔得唔讚吓日本人的細心!
之後仲有民俗舞的表演.
又一次"揉湯"的表演, 今次的拍湯較第一次激烈好多. 拍到D泉水飛晒出來.
有片睇!
最後再請另20人出去體驗拍湯. 但今次D嬸嬸會教大家拍得勁D!
30分鐘的表演話咁快完畢了. 當我們步出會館, 見個天開始變晴, 又無落雨. 加上班男仕11:00am要返回PENSION, 因厚生先生要載他們去租滑雪用具及車他們去滑雪場. 所以要拿拿淋用部大機係湯畑影番幾張好一點的相.
好! 班滑雪狂要走o拿, 我同其他團友繼續今日的第二個行程 - "溫泉街"及"西之河原公園"四圍逛.
下一篇 : 日本合家歡之旅 - (Day9 - 30/1/09) 草津溫泉, Misago Pension
上一篇 : 日本合家歡之旅 - (Day10 - 31/1/09) 草津溫泉之溫泉街篇
沒有留言:
張貼留言