2009日本之旅17天遊 (Day 9)
30 JAN 2009 (下雨)
大家著好裝備後, 便出發去湯畑搵食!
我們由Pension後的小路步行去湯畑, 如果唔係落雪的話, 相信10分鍾內便可以到達目的地. 不過呢條路對老人家唔係咁方便, 因為有一小段路是要上斜及落斜, 而旁邊也經常有車輛經過.
差唔多到湯畑時, D雨開始越落越大, 真係勁唔方便! 講o左湯畑呢個名咁多次, 大家係o米好想知咩叫湯畑呢?
"湯畑位於草津町城內中央地帶, 可以話係草津溫泉的地標及代表. 這裡是草津溫泉最大的源頭, 湧出來的溫泉水, 帶有強烈的硫磺氣味, 同時瀰漫著滾滾的熱蒸氣, 而且源頭的水溫約高達攝氏55度, 先流經多條木製的導水管, 使其降溫後再流入各家的旅館及溫泉酒店." (資料取於草津溫泉的觀光資料)
雖然落雨, 一場來到, 點都用傻瓜機影番幾張相先啦.
湯畑
足湯湯畑步行街
呢度係我們明天早上睇"揉湯"的表演館. 本來打算先買票, 但唔可以預售!
如果住係湯畑附近的酒店或旅館. 咁就可以著住件浴衣係溫泉街四圍逛, 真係勁好Feel. 當然相對D房租都唔少o野o家! 睇吓, 呢班旅客就知啦, 擔住遮都走出來!幾有Feel呀!
由於先前的資料所得, 話呢度的饅頭係草津名物之一. 梗係要試吓啦. 我們於湯畑正街旁見到有一間饅頭店, 大家即刻入去睇睇. E!點解D饅頭唔係熱o既, 我睇雜誌話熱辣辣o家, 仲全部放係蒸籠上的. 雖然我都見到間店門口有蒸籠, 不過無開來用wor! 於是我走去問有無熱的饅頭, 好彩姐姐仔話有, 全部放o左係店內啫!
我們每人買o左1個白(栗子),1個啡(紅豆).
買完後, 大家係門口即時解決呢兩個饅頭. 好好味呀, 唔太甜, 又夠熱. 我們之後仲買多個白色食Tim!
嘩! D雨真係落得唔細Wor! 所以Carol同Rosand都要即時買番把遮頂住先.
因為落雨,我們便搵間手信店入去睇睇. E!呢間叫"一井"的唔錯Wor, 都幾大間, 原來係酒店內o既Shop泥o既! 當團友們好專心睇吓有咩買時, 我突然有個諗法, 不如我, 老公, 亞儉, Alice同梅生先去探吓路, 睇吓明天要去的景點路線如何, 因明天班男人會先去滑雪, 而我們D婦孺會自由行. 費時明日有老有幼時行多o左冤枉路啦!
於是我們一行5人, 恃住著o左GORE-TEX唔怕雨咁走出去探路. 我們先經過溫泉街, 之後去到"西之河源公園"的入口, 便返回一井與Carol同Rosand會合.
搵完條路, 見有一點時間, 梗係要享受吓暫時無小朋友的時間啦.
我們先去食溫泉蛋, 因為他們明天要去滑雪, 所以要先食. (梅生唔食蛋的都要整番隻Wor!)
跟住我們見到一間有試食的饅頭店, 呢間店好鬼熱情, 係咁拉你試食, 仲要拉埋入去店內坐吓, 嘆番杯茶. 試食完, 梗係要幫襯買番盒啦. 我們食o左佢5個, 現在買番一盒有10個, 都叫做賺o左oY!
我們終於回到"一井"o拿. 見湯畑的燈著晒, 好靚咁wor! 搵個唔被雨淋到的位置企好, 用大機影番幾張相先.
呢張係傻瓜機影o家!
因晚飯Set o左係6:00pm開始, 怕夜晚會好快肚餓, 所以大家又去7仔買定個杯麵. 跟住我們便步行返回Pension.
一返到Pension, 已見"厚生"先生預備好我們的晚餐. 為了方便, 我們住Cottage的5人便先把所有的袋呀, 褸呀全放係Rosand間房度. 睇吓D褸幾壯觀.
大家洗完手便踏入餐廳. 餐廳內除o左我們3張枱外, 仲有另一家日本人(一對年青的父母及一位可愛的BeBe女.)
開餐前先影吓相!
點解我們笑得咁開心o既? 有無團友記得呀!
呢餐Dinner真係勁豐富, 個鍋好滿, 好多o野食. 每枱都食唔晒呀!仲有好甜的士多啤梨. 正!
因為我見到, 隔離枱的甜品係雪糕, 搞到我好想食wor! 於是我向厚生先生Order一份.
大家食飽後, 便到大餐坐吓, 小朋友當然即刻係度玩吓啦.
梅生竟然坐吓坐吓係度訓覺!
見梅生咁眼訓, 我們便返回Cottage. 返到Cottage後, 我們5條友繼續傾吓計,睇吓相, 睇吓電視, 仲上網同Doris用Web Cam傾計Tim! 因為大家都要排隊用浴場沖涼, 所以我們打算9:00pm才去浸浴.
呢D係我們5人呢兩晚的食物. 當然最後都係食唔晒, 要帶返去東京啦!
搞掂晒, 係時候要訓覺o拿!樓下3個男仕訓, 我同Alice訓樓上.
浸溫泉小趣事:
我們5人去到溫泉區, 見有一間房鎖o左, 所以另一間房便俾我同Alice用先. 而3個男人唯有係外面浸吓足湯先.
當我同Alice入到浴場, 聽見隔離個浴場好嘈, 原來係亞君一家係度浸緊, 於是我同Alice大聲地叫亞晴, 亞橦. 我們隔住一塊木牆大叫對話, 好搞笑! 仲有一件揸牛牛的有趣事件, 各位團友知道咩事o既!
(消費總額) :
早餐 | : | JPY 1,620.00(3人) |
東武東上線 | : | JPY 320.00 (2人) |
山手線 | : | JPY 380.00 (2人) |
小食 | : | JPY 2,000.00 (2人) |
Cottage | : | JPY 17,100.00 (2人) |
合計 | : | JPY 21,420.00 (2人) |
備註 : Pension的收費為大人JPY8,550, 小孩為JPY7,350. (大家的食物是相同的)
上一篇 : 日本合家歡之旅 - (Day9 - 30/1/09) - 草津溫泉, MISAGO PENSION
下一篇 : 日本合家歡之旅 - (Day10 - 31/1/09) - 草津溫泉, 熱乃湯揉湯表演
沒有留言:
張貼留言