上海之旅4天遊 (Day 1)
18 AUG 2007 (天晴)
香港 9:30am > 上海浦東機場 11:50am (上海航空)
今次的短旅程, 係因為亞君早期參加o左交換酒店的計劃. 而今次他們選o左去上海, 所以我同老公跟埋一齊去, 咁o米可以慳番酒店錢Lor!
因為我們較遲先決定去上海, 所以我們未能同亞君一班機. 我兩公婆係早機, 而亞君他們係下午機. (搭乘上海航空)
今日晨早出門去機場. 係機場嘆個早餐, 行吓先! 因為今年係香港回歸十週年, 所以機場內有好多樂樂盈盈的熊貓精品買呀! (我呢, 唔買都要影吓啦!)
上機Lu! 飛機餐一般啦, 好過無! 今日天氣好好呀!
我們於11:50am左右落機. 係停機坪見到架好Colorful的國內飛機, 都幾趣oY!
落機後, 我即致電俾 - Antony, 他是我的上海Supplier之一, 雖然我們無實際的生意來往, 但他為人非常熱心及好客. 知道我第一次到上海玩(唔係工幹), 他即提意要到機場接我同老公. 真係唔該晒Antony!
今日認識埋Antony的女友 - CoCo, 他們一起來接我們機, 之後便帶我們到上海某舊墟 - 佳佳 食道地的湯包當午餐. 我們一人食o左一籠, 真係好好味, 價錢又平. (唔好意思, 無影相! 因當年未開始寫Blog, 無呢個食咩都要影的習慣!) 不過昨天同Antony msn時, 他話呢個舊墟已拆了, 所以佳佳湯包無得再食喇!
食完湯包後, Antony車我們到酒店Check In. 今次我們住的地區叫 - 靜安區, 唔係太旺的地區, 呢區好似話較多日本人居住.
我們間酒店 - 愛麗軒公寓式酒店. 我們住的是一間2房1廳, 有Open Kitchen的Appartment. 地方都好大吓! (唔好意思, 無影相. 另下面兩張相係睇番Vedio時影的, 所以質素較差!)
Check 完 In, Antony同CoCo係酒店坐o左一陣後, 又要再起程去機場接亞君一家同麻麻. 今次他仲搵多個朋友 - 諸先生 幫忙出多部車, 真係非常非常多謝他們的誠意招待.
睇吓酒店影出外的街景!
趁亞君他們未到時, 我們去附近的街道逛逛!
他們差唔多晚上7:00便到達酒店! 大家安頓好後, 係酒店傾吓計. 跟住Antony話今晚要做東, 請我們上館子食上海菜! 他真的實在太客氣喇!
講真, 我都唔知呢間菜館係邊同叫咩名. Antony帶我們上2樓的房間, 之後他便叫o左好多款式的上海菜. 多到有D都無影相!
呢條"太白魚"超好食呀!
呢個係Antony專登點俾我們試o既 - 臭豆腐. 初時食都無咩感覺, 吞再之後會覺得D臭味好濃咁係喉嚨湧上來. 好奇怪!
今餐真係好豐富! 大家都捧住個肚走. 又要講聲多謝Antony喇!
因為今日係星期六, 所以Antony提議車我們去新天地趁吓熱鬧!
晚上10:00左右便回酒店休息! 明天星期日, Antony話會來帶我們去城隍廟行吓!
下一篇 : 2007暑假上海遊 - (Day 2 - 19/8/07) 豫園
沒有留言:
張貼留言