日本四國之旅16天遊 (Day 5)
20 FEB 2007 (天晴)
睇完琵琶瀑布後, 我們便返回停車場攞車! 跟住我們要駕車往祖谷渓・小便小僧 遊覽!
講起小便小僧(小便岩), 真係好好笑! 事緣我們架車的GPS一直帶路去小便岩, 但係兜兜轉轉了好幾個圈都搵唔到.
突然坐係後座, 又生得高人一等的老李, 大聲咁指住問"唔好話我知呢個就係小便小僧呀?"
大家向他的手指處望過去, 之後我點頭回答"無錯, 呢個就係喇!".
之後大家都係度勁笑及心諗 : "好彩唔係行路搵啫! 如果唔係就浪費腳力及時間Lu!"
吓! 唔信, 咁俾你睇睇喇!
點解要來睇小便小僧(小便岩), 因為小便會所企的岩石係谷中最險的地方 ── "七曲", 此處高200公呎. 據說以前曾有遊人爲了試試膽量，在此小便，所以此處塑有一尊可愛的童子撒尿的塑像。(資料來自日本國家旅遊局.)
揾得他咁辛苦, 點可以唔影吓相呀!
喂! 各位團友, 好睇多兩眼喇, 差唔多要走喇!
於小便僧右邊, 便是我先前想入住的祖谷村溫泉酒店. 雖然住唔到, 都入去睇吓啦!
嘩! 終於見到傳說中的真正溫泉電梯喇! 勁呀, 有坐位Tim! 其實呢度係可以Walk in入去浸溫泉. 可惜今日我們無時間啦, 有機會再來先試啦!
原來小便僧是屬於劍山國定公園的一部份!
臨離開前, 影番張祖谷溪(呈V型)加劍山(中間)的風景相先!
祖谷溪 - 祖谷是位於德島縣西部、四國中部的山村，被列爲日本三大秘境之一，屬於劍山國定公園。四國第二高峰──劍山的山坳深遠，爲四國山地的群峰所包圍。形成吉野川源頭的祖谷川的清流，蜿蜒穿行于群山之間,與之形成了深深的溪谷。(資料來自日本國家旅遊局.)
中午1:00左右, 我們又要出發Lu! 下個點是大步危! 今次又要唔該GPS帶路喇, 車程40分鐘左右吧.
上一篇 : 日本四國之旅 - (Day 5 - 20/2/07) 祖谷溪, 琵琶の滝
下一篇 : 日本四國之旅 - (Day 5 - 20/2/07) 大步危峽 - 遊覽船出發前篇
沒有留言:
張貼留言