慶祝老公生日第四彈 - 山頂食晚飯

29 JUNE 2009 (天晴)

今日係老公的正日Birthday, 我於兩星期前已Book o左位去山頂的L16食泰國菜! 點解選食泰國菜, o米因為收到大新信用咭的Promo Lor! 個Set原價HK$592, 現在只需HK$298, 話晒都叫係山頂食oY, 感覺好似幾抵Wor, 加上都好多年(起碼有5年吧!)無上山頂喇, 所以o米決定去試吓啦!

真係好耐無坐覽車Lu, 要做吓遊客影吓相先!

今日老公無帶部單反機, 唯有用部"富士"傻瓜"頂住先啦!

睇吓個餐有咩食先 :

呢個椰青另叫o架, 每個HK$38 + 10%.

呢度環境都幾好, 人少少, 裝修又唔錯. (原來餐廳係屬於彩蝶軒的, 唔怪得食物質素都唔差啦!)

老公生日, 梗係要搵人幫手影番張合照啦!

食完後, 我們上去"凌霄閣"摩天台睇吓夜景. 嘩!原來上來要入場費HK$20大元o架! 算啦, 今日係老公生日, 就豪一次啦!

臨走時, 經過"蠟像館", 咁啱今日為了悼念Michael Jackson, 所以MJ的蠟像放o左出來俾大家拍照留念!

我們10:00pm左右離開, 嘩! 好多人排隊搭覽車呀!

今晚原本我們可以好開開心心地去食飯的, 可惜在等候的途中為o左一D無聊事以有所意見. (講得好聽D o米有意見Lor, 其實係鬧架先真!)

今日話晒都係老公的生日, 所以最終我唔堅持喇! 費時連飯都食唔成啦! 不過今日搞到老公有點唔開心, 真係唔好意思喇! 但係講真, 你都有唔啱o架, 大家拉平吧! (各位, 唔駛擔心, 我們兩公婆好快已經好番喇!)