北海道手信

22 JULY 2009 (天晴)

BaBa一家尋晚係北海道返來喇! 他們今次真係有一個極之難忘的東京,北海道11天遊.

為o左快一步知道他們的經歷, 所以今晚我偷懶唔返學, 走去BaBa度食晚飯. 當然仲要攞手信啦!

多謝晒呀!

雖然今次的旅程, 有唔少的實物捐失, 好彩都無影響他們的心情.  尋晚睇到他們所影的相, 更加感受到他們一家的開心之旅! (下次唔好咁唔小心喇, BaBa! 又或者帶埋福將契爺同契媽一起去Lor!)

講番今次BaBa的損失, 第一日唔見o左部Vedio, Notebook同幾張新的Memory Card (好彩揾番個袋時, 袋內仲有Passport同部相機.) 跟住尾三果日, 又跌壞o左部相機.(呢部相機係今年初去日本時已跌壞過o架! 可能部機唔鍾意去日本吧!)

由於要Claim保險的關係, 咁梗係要去報警啦! 據BaBa先前與我在電話講述, 警局只會提供案件的Report #, 唔會提供Report Copy同寫清楚報失物品的詳細資料. 大佬!咁點返來Claim錢呀?  警局同他講, 保險公司可向日本中國領事館申請向日本驚視廳來Report Copy Wor! 唔係呀, 保險公司真係睬你都傻啦!

後來老公想起2004年時, 我們係輕井沢唔見o左相機, 去報失時情況都係一樣. (我真係完全唔記得Lu!) 老公仲話我們問位警察攞o左張名片, 寫低o左Report #. 後來返回池袋, 再去報警. 呢次唔知點樣同個差佬傾掂數, 肯寫番多D詳細資料先可以Claim番部相機咋!

所以我們提意BaBa係北海道時再去報多次警, 睇吓有無機會博懵. 最終他們係小樽的警局搞o左好耐, 攞到張有Report #, 失物的詳細資料, 不過無警局信紙及Stamp. 希望可以有用啦! 

希望BaBa可以成功Claim到錢啦!