慶祝老公生日第五彈 - 飲茶加打牌

1 JULY 2009 (天晴)

我們成班朋友, 都唔知由幾時開始每逄有人生日時都會出來聚聚. 最初(即我們成班後生時)係戶外活動居多, 後來演變成去"名都"雀局, 跟住有了小朋友後改為飲茶加開枱!

6月份生日的, 有老公同亞傑. 所以我們便約了7月1日出來飲茶加開枱慶祝. 

我們約好11:45am係小草屋等, 今日大家都好準時呀, 可惜無16人大枱, 唯有分開坐啦!拖男帶女的3家人坐一圍, 我們d無細佬的6位自由人坐另一圍.

好耐無見Tammy喇, 所以今日特登叫埋她出來亮吓相!

今日我送o左一套喜洋洋的畫冊俾兩個契女.

大家飲完茶後, 便上亞君家等大家姐, 姐夫同二家姐來! 人齊Lu!可以開局!

我們開局後, 無份打的人帶亞晴, 亞橦同杰昇落平台公園踩單車. 差唔多4:00pm, 姐夫開始見肚餓, 於是我們便提議食壽司.

今日提供壽司的係四眼哥, 真係多謝晒呀! 四眼哥話請食壽司有兩個原因, 1係老公生日, 另1係要賀吓他搵到份好工! Yeah! 係度祝四眼哥工作順利, 開開心心啦!

亞橦食得幾開心!

食完壽司, 大家再戰! 小朋友午睡, 無牌打o既落茶餐廳吹水! 真係各自各精彩啊!

因為Parco仔習慣早食飯, 於是工人姐姐預備埋其他小朋友的份. 所以小朋友們今日6:00pm多便食晚飯, 好搞笑係呢3位小朋友話, 點解未天黑就食晚飯o既? 

 

小朋友食完晚飯無耐, 吹完水o既人返來喇! (有老公, 亞儉, 亞君同Alice) 亞晴亞橦見爸爸返來, 又要嗲爸爸落公園玩. 由於我今日的戰情唔係好得, 所以我叫老公幫手頂一頂, 而我便跟亞君他們落公園Hea吓!

同大個3位小朋友現完. 之後又同Parco仔玩吓.

好喇! 到大人食飯Lu!

而小朋友就自己係度玩.

食完飯, Cherry一家先走. 我們繼續打多四個東, 今日戰況係輸o左HK$360, 都算執親彩, 因我最勁時輸o左HK$700 o架!

打完麻雀, 我們又有蛋糕食呀. 原來亞晴亞橦訂o左個生日蛋糕送俾契爺. (其實係要多謝Rosand同亞君先真!)

除o左蛋糕, 仲有生日咭o架! (上面兩張係亞晴畫的, 下面兩幅係亞橦畫的!)

又一齊影張大合照先!

大家食完蛋糕後便離開喇!

睇吓亞橦個眼訓樣幾攰, 仲係度死頂Wor!