上海之旅4天遊 (Day 4)
21 AUG 2007 (天晴)
今日我同老公會先回港, 而亞君他們會係上海留多兩天, 跟住會去杭州玩兩日後才回港. 所以今早, 我們係酒店食完嫲嫲預備的蒸餃早餐後, 我同老公11:00am便出門! 返香港見啦, 亞晴亞橦!
我同老公打算先行去百樂門大舞廳睇睇, 話晒細個時都有睇過上海灘oY! 當年許文強係百樂門大舞廳門口被亂槍掃射o麻! (雖然當年可能係廠景, 但百樂門呢個名又點會唔記得Wor!)
之後我們坐地鐵去人民廣場逛吓. 我們终於可以坐吓地鐵喇! (因為呢幾日唔係Antony車出車入, 就係搭的士, 都無咩機會坐吓上海的地鐵!)
出地鐵後, 好快便見到南京路步行街. 呢度都好多人吓, 不過步行街好闊, 好乾淨, 行得好舒服!
跟住我們坐的士到新天地睇吓白天的建築物同街道!
行完, 影完相. 都差唔多1:00pm喇! 我們係新天地附近揾o左間日本餐廳食晏! (好似係Paul少介紹o既!) 食物都唔錯, OKo架!
食完飯都2:30pm, Antony會於3:00pm到酒店接我們去磁浮車站. 所以我們又要坐的士返回酒店.
車程唔需20分鍾便到達磁浮車站.
真係話咁快就到o左機場Lu! 我們乘坐5:00pm左右的上海航空回港!
這四天的上海之行, 都係行吓食吓咁啦! 不過上海俾我的感覺真係好舒服, 安全同安心. 真係好過去廣州同深圳呀! 因為唔駛經常提心吊膽, 時常留意心旁有無賊!
今次我們兩公婆的旅費, 連機票都唔駛HK$4000. 係度真係非常非常多謝Antony的好客同幫忙. 使我們有個既開心又方便的上海之旅. Thank you! 仲有要多謝亞君提供免費酒店俾我們, 雖然有一晚我同亞晴瞓時, 經常被她踢醒. 不過都係一個好經驗oY!
上一篇 : 2007暑假上海遊 - (Day 3 - 20/8/07) 東方明珠塔
沒有留言:
張貼留言