日本四國之旅16天遊 (Day 4) - 年初二
19 FEB 2007 (天晴, 寒冷)
離開o左德島, 我們跟住GPS的指引行車. 但行了大約1小時左右, 我發覺沿途的路牌好似唔係好啱咁! Check吓之後, 哎呀! 原來我們真係行錯路. 原因係老公隻手指大得濟, 按錯o左下個setting, 搞到我們行o左去高松. 都係果句啦, 新年行大運!
於是, 我們揾個油站停一停, 入吓油先.
又出發Lu! 現在都成5:00pm, 今次真係要揸快D先得喇!
呢程的自駕遊, 對我們來講真係十分之難忘. 我們花了2小時多D才到達酒店. 沿途我們要摸黑行山路, 有九曲十三灣的, 有單程路的, 仲要不停o甘過隧道, 我數過起碼有15條的長長短短的隧道呀! 班男仕鬼咁興奮咁, 真係以為自己係頭文字D!
一到達ホテルかずら橋時, 門口已經有位員工好緊張咁問我係o米Pang San. 因為他們好擔心我們的安全, 因為果段山路都真係幾驚險!
Check In後, 大家要o拿o拿聲上房放低行李, 換埋浴衣後去食晚飯.
酒店件浴衣都幾靚吓!
開動Lu!
今餐主要係鄉土料理, 都OK啦! 不過呢個話係有名的でこまわし(成串魚旦咁)就真係完全唔好食. (其實係由豆腐,芋頭同蒟蒻制成)
食飯時, 隔離枱有班叔叔伯伯. 他們鬼咁好奇我們係從邊度來o既, 總不停咁問我們問題. 好搞笑! 後來知道我們係香港人, 他們話我們好叻, 點會識揸車來祖谷溪, 仲話日本人都係多數跟團先來咋!
呢班老人家好勁o架, 每年都會一齊去一次旅行. 一年係國內, 一年係國外! 其中有位叔叔都經常來香港, 因她個囡係香港的日資銀行做Wor! (唔知我們老o左可唔可以好似他們咁, 每年都一起去一次旅行呢?)
食飽後, 我們係Lobby度Hea吓, 消化吓.
後來酒店有位員工, 好好人咁問我們有無興趣出去睇吓條"かずら橋"? 我們梗係點晒頭話去啦! 不過我們個個著晒浴衣Wor! 司機話無問題, 車有暖氣. 於是成班傻人便跟司機走Lu!
嘩! 一開車門, 成陣冷風撲埋來呀! 都唔好話唔凍. 除o左老李唔出去之外, 其他人o拿o拿淋跑去睇吓條橋. 即刻影番兩張相便要上番車喇! (雖然真係好凍, 不過亮o左燈的吊橋又真係幾靚o既!)
返回酒店後, 我們坐唔定的團友們. 一於上去露天風呂八八先.
要去露天風呂, 有兩個途徑. 一是可以行山路上.
另一是乘屋型電梯上山.
介紹開屋型電梯, 我要係度講吓點介我會住呢間ホテルかずら橋. 其實我於兩年前計劃去四國祖谷溪時, 己決定要入住ホテル祖谷温泉, 因為祖谷溫泉夠特別, 其中有部Cable Car坐落山谷浸露天風呂. 點知於11月開始訂房時, 已收到回覆全店滿室! 勁失望呀!
我於唔死心的推動下, 不停咁上網尋找類似的酒店. 講真當時祖谷溪一帶的酒店網都較為簡單. 好彩! 最終我搵到ホテルかずら橋. 可以滿足番我要坐電梯去浸溫泉的心態! 所以我成日話我住果間的電梯係老番版!
晚上的關係, 所以無咩點影露天風呂的景色.
