12 JULY 2009 (天晴)
昨晚睡眠質素唔係咁好, 因為一直係度發夢, 其中兩個夢都夢見昌爸一家在日本搭錯火車. (可能呢幾日不停地幫他們整理旅行的資料吧!)
今日起身後, 開電話的第一個Message係昌爸留言. 我尚有一些資料要幫他查及稍後要e-mail俾他.
整個下午, 同老公係屋企睇番先前我錄影節目, 直至下午4:00幾, 收到昌爸的長途電話.
昌爸 : 我的一個好重要的袋留底o左係山手線上.
我 :
吓! 唔係掛! 咁袋內有D咩呀?昌爸 : 有Passport, 相機, Vedio Cam, Notebook, 旅遊書, 所有Schedule, 酒店Booking等....等
我 : 點算! 先報警及去JR報失啦! 日本人好多都會把失物送番去車站o既. 唯有睇吓點啦. 至於Booking的資料, 夜d再決定, 如果要我重新整過都無問題, 我send去酒店俾你Lor! 最緊要係Passport呀! 希望在人間, 夜D可能揾到呢!
昌爸 : 好彩今日約o左表妹(已嫁日本人), 可以幫忙做翻譯! 另外, 酒店用番你個名查資料後, 都可以Check In!
一小時候, 再收到昌爸電話.
昌爸 : 等o左個幾鐘, 查o左好幾班車喇! 都係未有消息.
我 : 無計啦! 可能要夜D先有消息. 咁你D錢有無係個袋到呀?
昌爸 : 無! D錢係身! 可唔可以幫我查吓人民入境事務處的緊急求助電話呀! 不過我電話無電, 你Send SMS我啦!
我 : OK, 等陣Send SMS你.
我即刻查到人民入境事務處的緊急求助電話 - 1868 (真係要好好記住呢個電話呀!)
我先打1868做個簡單查詢. 如果係海外唔見o左Passport的話, 而我們的ID無遺失的話, 可以到海外的中國領事館申請一張旅行的出境紙. (詳細要待昌爸回來後再查詢!)
於是我叫老公Send SMS俾昌爸, 而我打電話俾Joanne簡單的告知她有ID都應該問題不大. 點知Joanne咁樣回答:
Joanne : 我個ID係度. 但個Passport同寶怡, 嘉熙的ID, Passport全都係晒個袋內呀!
我 : 吓! 我以為只有昌爸無Passport Tim! 唉! 真係好麻煩吓Wor!
之後昌爸再打俾我.
昌爸 : 我明早會去中國領事館搞番張出境紙先.
我 : 咁你如果搞掂, 係o米照舊去北海道先?
昌爸 : 係o架! 不過我個國際車牌都係埋個袋到. 唔該你幫我出個e-mail俾租車公司, 問一問無國際車牌ok唔ok.
我 : 得, 我幫你出e-mail. 夜D再聯絡, 你記得留底電話俾JR, 睇吓夜D會唔會揾到啦!
昌爸 : 我表妹留o左電話喇!
我 : 祝你好運啦
香港時間晚上9:00多, 我send SMS俾昌爸, 問他酒店房號, 諗住打長途俾他, 及開始幫他再整理所有的旅行資料. 隔o左一陣, 昌爸打電話來.
昌爸 : 我揾到個袋喇! 不過唔見晒D貴重o野. (即Notebook, 相機, Vedio Cam)
我 : 無計啦! 最緊要搵番D証件o麻! 起碼行程無影響, 其他唔見o左o既, 番來先搞啦! 有買旅遊保險o麻! 唔好諗咁多, 玩開心D啦! 88!
唉! 真係驚險的第一天呀!
希望他們之後的行程順順利利, 開開心心啦!
沒有留言:
張貼留言