日本合家歡之旅 - (Day 15 - 5/2/09) 常盤台, 中野

2009日本之旅今17天遊 (Day 15)

5 FEB 2009   (天晴)

川越 15:59 > 常盤台 16:28 (東武東上線)  

到達常盤台後, 大家滿心期待的等17:00去車站對面的店買'燒鰻魚飯"! 因未到開店時間, 所以我們逛吓南口那邊的街道.

咦! 原來呢邊都有一間好大的Fresh Market, 仲有大黑屋Tim! 一場來到, 幫襯大黑屋買番D飲品同零食先!

真係有唔少店舖Wor! 有水果店, 正! 我們即買了1袋蘋果及1袋蕃薯. 呢袋蕃薯係明天做早餐o架, 剛好5個, 1人1個, 老闆仲收我JPY150一袋. 真係勁抵!

 

5:00喇, 係時候過番去買"燒鰻魚飯"喇!

 吓!點解仲未開舖o架??? 唔通今日又休息???

頂! 人地好想試吓o麻. 成日經過, 見到佢的推介話日買30盒, 想睇吓有幾堅o麻. 咁都唔俾人試!

算把! 我們唯有先返回酒店放低o野吧. 我們返酒店時一定會經過呢條東武東上線的鐵路o架!

係度都留底唔少腳印, 但每次都急急腳行又或者好夜才經過. 難得今日可以係度影番張相留念!

回酒店攤抖吓, 食吓大黑屋買的薯片後, 便出發去中野Lu!

常盤台 15:59 > 池袋 16:28 (東武東上線)  

池袋 > 新宿 (琦京線)

新宿 > 中野 (中央線快速)

我對上一次去中野已經係2000年的時候. 老公就近D, 係2004年時有再去過! 當年老公係2/F的某間店舖, 請老闆娘摷o左好多舊版的Keroppi俾我呀!

呢度都好似無咩點變oY!

係商店街途經一間麵包店, 即被D靚靚日本包吸引. 加上大家都無食晏, 所以即刻入去買番個頂吓肚先.

3位男仕買了人氣No.1的Melon包!

而我就食人氣No.5的, Alice食人氣No.2的包包!

大家食完包包後, 男仕們上樓睇漫畫, 公仔等, 而我同Alice就行吓地下的商店街. 當然我都抽o左一D時間去老人娘度買o左少少Keroppi的擺設啦!

我們約好8:30PM係商店街的大門口集合!

大家Shopping完後, 返回常盤台食晚飯!

 

上一篇 : 日本合家歡之旅 - (Day 15 - 5/2/09) 川越市, 菓子屋橫町