今日要湊BB狗

26 JULY 2009 (時晴時雨)

今日亞爸同亞媽參加o左屋村旅行團的一天遊. 所以今早8:00亞媽便先送BB狗來我家, 以便照顧BB的早餐及早上食藥. (自從BB於2007年12月起, 她的心臟同氣管有事後, 我們便開始同爸媽分開旅行, 因為我們唔放心留BB狗獨自在家!)

因為我兩公婆4:00AM多才瞓覺, 所以8:00AM要起身都真係幾高難度, 不過為o左BB都無辦法啦!

我們係廳度等BB狗食完狗糧後便餵藥. 但今日BB無咩心情食o野Wor, 等o左成粒鐘, 好都無掂過D狗糧. 仲索性入我們房瞓覺, 咁就一齊瞓吧!

 BB的床舖

我們瞓到3:00PM才起身, 當然BB基本上都係 (最多起身出廚房飲吓水). 起身疏洗後, BB狗都係唔肯食狗糧, 但她一定要食藥o家, 所以我們唯有俾D狗狗零食她頂吓肚後才食藥啦.

4:30PM梅生入來幫忙換水. 真係唔該晒他喇, 專成入來幫手換水!

當他們換水時, BB狗勁"痴"住他們, 一定要係廚房門口陪住他們!

今日的BB狗勁Hea吓, 我全日都無聽見她吠過一聲 (直至帶她返堅企食飯後, 收枱時才吠叫幾聲.), 睇吓她個Hea樣啦!

對於年紀有番咁上下的BB狗, Hea真係她的養生之道呀!