帶姪女閒逛

18 JULY 2009 (上午天晴, 下午3號風球大雨)

上星期同亞媽講好, 今日會帶兩個姪女去麥當當及新城市影Snoopy. 於星期五晚知道今日可能會打風, 先前都怕帶唔到兩個小朋友出來玩. 好彩, 中午的天氣都晴朗, 如果唔係她兩會好失望Lu!

我同亞媽先去接兩個姪女, 跟住帶她們去麥當當食開心樂園餐, 可惜加$20的Hello Kitty毛公仔換晒喇! 好彩, 開心樂園餐+$8一樣都有另一款Kitty玩具啫!

食完麥當當, 便帶她們去新城市廣場的Snoopy's World影相.

去到Snoopy's World, 見到好多人係門口影相喇! 啊! 原來今日因天雨關係無開門呀, 所以D人全在門口留影Lor! 一場來到, 都要影番幾張相先得o既!

無辦法啦! 姑媽下次再帶你們來過啦!

之後我們唯有入去新城市逛逛. 咦!今日有D紙品設計展Wor!

講真帶住好兩個咁細的小朋友, 加上新城市真係得死咁多人. 於是我們便步行過禾輋村搵姨婆食下午茶!

嘩! 真係好多好多年無經過瀝源同禾輋村喇! 現在d商場真係完全唔同晒Lu! 禾輋仲開了吉之島Tim! 犀利!

瀝源

禾輋

難得見到姨婆同表叔, 梗要影番張相啦. 不過亞妹 - 琪琪怕生, 唔肯影. 都係家姐 - 柔柔最叻!

下午4:00幾開始落大雨喇! 本來帶她們回亞爺家食飯o家! 但因改掛了3號風球, 加上開始勁大雨. 最後都係改坐的士送她們回自己家吧. 唯有下次再帶她們出來玩過啦!